काठमाण्डौ, २४ पुस ।
प्रधानमन्त्री केपी शर्मा ओलीले जनाताको घरको चुला चुलामा ग्यासको पाइप जोडिदिने दाबी गर्नुभएको छ ।
भारतीय नाकाबन्दीका बेला जनतालाई ग्यास दिन नसकेर दाउरा बेचिरहेको सरकारका प्रधानमन्त्रीले घरको चुला चुलामा ग्यासको पाइप जोड्दा दाबी गर्नुभएको हो ।
एमाले कार्यकर्ता भेलालाई काठमाण्डौमा सम्बोधन गर्दै प्रधानमन्त्री ओलीले भन्नुभयो ‘ग्यासका सिलिण्डर काँधमा बोकेर, मोटसाइकलमा बोकेर हिड्नु पर्दैन सिलिण्डरको फेज (युग) समाप्त गरिदिन्छु ।’ उनले अघि भन्नुभयो, घरघरमा चुलाचुलामा पाइप पुर्याइदिन्छु ।
उहाँले यो कुरा सुनेर केहीलाई पिर पर्ने पनि बताउनुभयो । ओलीले भुरुरु धुँवा छोड्ने डिजेलको बस होइन, इलेक्ट्रिक बस चलाउने समेत बताउनुभयो । यस्तै ओलीले फोहोरबाट ग्यास निकाल्ने, हावाबाट विजुली निकाल्ने र एक वर्षभित्र लोडसेडिङ अन्य गरेरै छाड्ने समेत दाबि गर्नुभयो ।
