धरान, पौष २४ गते ।
सवैलाई प्रेमको विषमा जानकारी गराउदै विश्वमै शान्ति फैल्याउने उद्देश्यले विश्व शान्ति तथा एकीकृत परिवारसंघ र युनिभर्सल पिस फेडेरेशनको आयोजनामा धरानमा वैवाहिक प्रतिवद्धता कार्यक्रम हुदैछ ।
असल परिवार समृद्ध नेपाल’ भन्ने मूल नाराका साथ युनिभर्सल पिस फेडेरेशन (युपिएफ) सुनसरीले आगामी पौष २५ गते बीपी कोइराला स्वास्थ्य विज्ञान प्रतिष्ठान स्थित द सहारा हलको प्रांगरणमा उक्त कार्यक्रम हुने फेडेरेशन सुनसरीले जनाएको छ ।
विश्वमै अशान्तिको जड पहिलो व्यक्ति त्यसपछि परिवार हुने गरेकोले परिवारबाटै शान्ति खोज्ने प्रयास स्वरुप कार्यक्रम आयोजना गर्न लागिएको आयोजक संस्थाका प्रचारप्रसार संयोजक गंगा कालिकोटेले जानकारी दिनुभयो । विवाह पूर्ण पवित्रता र विवाहपश्चात विश्वासनीयता नघटोस भन्ने उद्देश्यले सुनसरीको धरानमा कार्यक्रमको आयोजना गर्न लागिएको उहाँले बताउनु भयो ।
विश्वका १ सय ९४ राष्टमा रहेको यो संस्थाले भिज्युवल र अडिडोमार्फत विश्वमा भएका सफल दम्पत्तिका विषयमा प्रसार गर्ने भएकोले नेपालमा भएका संस्कृतिको अन्य कुराहरु समेत बुझ्न अन्य देशलाई समेत सजिलो हुने आयोजकको भनाई छ । सन् २००५ बाट नेपालमा शुरु भएको यो संस्थालाई युनाइटेड नेशनले समेत शान्तिका अग्रणीका रुपमा मान्यता दिएको छ ।
कार्यक्रममा ५ हजार वैवाहिक जोडी उपस्थिति हुने र दुई हजार एकल व्यक्तिहरुमको उपस्थित हुने आयोजकले जानकारी दिएको छ । आदर्श परिवारको सिर्जनामार्फत नेपालमा शान्ति र समृद्धि स्थापना गर्ने कार्यक्रमको लक्ष्य छ । कार्यक्रममा विशिष्ट व्यक्तिबाट शान्तिको विषयमा जानकारी दिनुका साथै विभिन्न धर्म गुरुहरुबाट प्रवचन समेत गरिने भएको छ ।
