काठमाडौं, ९ पौष ।
११ औं साफ च्याम्पियनसीप फुटबलमा माल्दिभ्सले भुटानलाई ३ १ पराजित गरेको छ । केरलाको त्रिवेन्द्रम रंगशालामा आज भएको समुह बि को पहिलो खेलमा माल्दिभ्सले भुटानलाई पराजित गरेको हो ।
स्तै आज बेलुकी पौने सात बजे हुने दोस्रो खेलमा डिफेन्डिङ च्याम्पियन अफगानिस्तानले र बंगलादेशसँग प्रस्तिपर्धा गर्नेछ । समुह बी मा रहेका अफगानिस्तान, बंगलादेश र माल्दिभ्सले एक एक पटक साफको उपाधि जितेका छन् भने भुटानले अहिलेसम्म जित्न सकेको छैन ।
प्रतियोगितामा सार्कका आठ मध्ये सात देशको सहभागिता छ । समुह ए अन्तर्गत हिजो भएको उद्घाटन खेलमा नेपाल श्रीलंकासँग १–० ले पराजित भयो । खेलको अन्तिम मिनेटमा सम्हालिन नसक्दा हार व्यहोरेको नेपालको सेमिफाइनल पुग्ने सम्भावना कम भएको छ ।
समुह चरणको अर्को खेलमा नेपालले आगामी आइतबार भारतसँग खेल्नेछ । भारतसँगको खेलमा जित निकालेको तथा श्रीलंका भारतसँग पराजित भएको अवस्थामा मात्रै नेपाल सेमिफाइनलमा पुग्नेछ ।
