काठमाडौं, ९ पौष ।
११ औं साफ च्याम्पियनसीप फुटबलमा आज दुई खेल हुँदैछ । भारतको केरलामा जारी प्रतियोगितामा आज समुह बी अन्तर्गतको खेलमा माल्दिभ्स र भुटान तथा अफगानिस्तान र बंगलादेशबीच प्रतिस्पर्धा हुनेछ ।
नेपाली समय अनुसार दिउँसो पौने चार बजे त्रिवेन्द्रम रंगशालामा हुने आजको पहिलो खेलमा माल्दिभ्सले भुटानको सामना गर्नेछ । यस्तै आज बेलुकी पौने सात बजे हुने दोस्रो खेलमा डिफेन्डिङ च्याम्पियन अफगानिस्तानले र बंगलादेशसँग प्रस्तिपर्धा गर्नेछ ।
समुह बी मा रहेका अफगानिस्तान, बंगलादेश र माल्दिभ्सले एक एक पटक साफको उपाधि जितेका छन् भने भुटानले अहिलेसम्म जित्न सकेको छैन । प्रतियोगितामा सार्कका आठ मध्ये सात देशको सहभागिता छ ।
समुह ए अन्तर्गत हिजो भएको उद्घाटन खेलमा नेपाल श्रीलंकासँग १–० ले पराजित भयो । खेलको अन्तिम मिनेटमा सम्हालिन नसक्दा हार व्यहोरेको नेपालको सेमिफाइनल पुग्ने सम्भावना कम भएको छ ।
समुह चरणको अर्को खेलमा नेपालले आगामी आइतबार भारतसँग खेल्नेछ । भारतसँगको खेलमा जित निकालेको तथा श्रीलंका भारतसँग पराजित भएको अवस्थामा मात्रै नेपाल सेमिफाइनलमा पुग्नेछ ।
