काठमाडौ ८ पौष ।
काठमाडौ महानगरपालिका अन्तरगतका सडकहरुमा खानेपानी पाइपलाइन बिछ्याएपश्चात ततकाल सडक पुनरनिर्माण गर्ने व्यवस्थाका लागि आयोजना कार्यान्वयन निर्देशनालय तथा काठमाडौ महानगरपालिकाबीच १२ बुँदे सम्झौता भएको छ ।
महानगरपालिका तर्फबाट प्रमुख कार्यकारी अधिकृत रुद्रसिंह तामाङ र आयोजना निर्देशनालयका निर्देशक तेजराज भट्टले सम्झौता पत्रमा हस्ताक्षर गर्नु भएको हो ।
सम्झौतापछि महानगरपालिकाका अधिकृत तामाङले खानेपानीका पाइप लाइन विस्तापछि सडक खाल्टो रहिरहने हालको अवस्था अब अदोहोरिने विश्वास व्यत्तल गर्नुभयो ।
भट्टले यसअघि भत्काइएका र अब भत्काइने सडकको पुनरनिर्माण तोकिएको समयभित्र सम्पन्न गरिसक्ने जानकारी दिनुभयो ।
सहमति पत्रमा आयोजना कार्यान्वयन निर्देशनालयका पाइपलाइनहरुको कार्य गर्ने शिलशिलामा उक्त सडकहरु पुनस्थापना गरी यथास्थितिमा ल्याउने जिम्मा आयोजना कार्यान्वयन निर्देशनालयको हुने उल्लेख छ ।
