काठमाण्डौ ,८ पुस ।
सुनचादी व्यवसाय महासंगका अध्यक्ष मनिरत्न शाक्यले सरकारकै कारण सुन चादीमा कालो बजारी मौलाएको बताउनु भयो । उहाले सिजनमा दैनिक ६० किलो र अरु समय दैनिक २० किलो सुन आवश्यक पर्ने तर सरकारले पर्याप्त सुन आयात नगर्दा काला बजारी मौलाएको बताउनु भयो ।
सरकारले आयात गर्ने सुन नै पूर्ण शुद्ध (९९९९ ) अर्थात २४ क्यारेटको नभएको समेत उहाले दाबी गर्नुभयो । सानो पूजीमा सुनको व्यावसायमा लागेकाहरुलाई सरकारले नै तोकिएको मूल्यमा सहज रुपमा सुन उपलब्ध नगराउदा समस्या भएको अध्यक्ष शाक्यले बताउनु भयो ।
मिर्मिरे अनलाईनसँग कुरा गर्दै अध्यक्ष शाक्यले परम्परागत गहना बनाउन जान्ने स्वदेशी कालिगड पलायन भएका कारण भारतीय कालिगडहरु आएको तर उनीहरु पनि अहिले स्वदेश फर्किएको कारण अझ समस्या भएको बताउनु भयो ।
भारतीय कालिगडहरु व्यापारीको सुन लगायत बहुमूल्य चीजहरु लिएर भाग्ने गरेको पनि उहाले बताउनु भयो ।
