काठमाडौँ, ८ पुस ।
भारतमा आजबाट शुरु भएको साफ् च्याम्पियनसिपको पहिलो खेलमा नेपाल र श्रीलकाबीचको पहिलो खेल बराबरीमा सकिएको छ । नेपालले शुरुदेखिनै आक्रमण गर्दै राम्रा मौकाहरु सिर्जना गरे पनि गोल गर्न सकेन ।
श्रीलकाले पनि पहिलो हाफ्को अन्तिम समयमा राम्रो आक्रमण गरेको थियो ।
दक्षिण एशियाकै फुटबलको ठूलो प्रतियोगीता साफ् च्याम्पियनसिप २०१५ (आज) बुधबारबाट भारतको त्रिबेन्द्रममा शुरु हुदै छ ।
प्रतियोगीताको उदघाटन खेलमा नेपालले आज श्रींलकाको सामना गर्दै छ ।
नेपालले आज साझ श्रीलका विरुद्ध हुने खेलका लागि अधिकाश नया खेलाडीको नाम सार्वजनिक गरेको छ ।
गोल किपरमा किरण चेमजोङ, कप्तान अनील गुरुङ विराज महर्जन र रोहित चन्द बाहेक अन्य खेलाडी न‘या परेका छन् ।
बिमल घर्ती, अञ्जन विष्ट, आदित्य चौधरी, रिञ्जत धिमाल, विक्रम लामा, हेमन गुरुङ र जीतेन्द्र कार्की नया परेका छन् ।
श्रीलका विरुद्ध नेपालले अहिले साझ पौने ७ बजे खेल्ने छ । यो खेल जीतेमा नेपाल सेमिफाईनल पुग्ने संभावना बलियो हुने छ ।
केरलामा हुने खेल सॉझ पौने सात बजे शुरु हुने छ ।
विगतमा श्रीलङ्का नेपालमाथि हाबी भएको टोली हो । दुई टोलीबीच १३ ‘हेड टु हेड म्याच’ भएका छन् जसमा नेपालले दुई जित, छ बराबरी र पाँच हार व्यहोरेको छ । तर पछिल्लो समयमा श्रीलङ्का खस्किएको छ ।
फिफा बरियतालाई आधार मान्दा श्रीलङ्का दक्षिण एसियाकै कमजोर टोली हो भने नेपालको स्थान केही राम्रो छ ।
भर्खरै सार्वजनिक भएको बरियतामा नेपाल १९२ तथा श्रीलङ्का १९४ स्थानमा छ । दक्षिण एसियामा अफगानिस्तान र माल्दिभ्ससँग पछि परेको भारत नेपाल र श्रीलङ्काभन्दा धेरै माथि अर्थात १६६ औँ स्थानमा छ ।
पाकिस्तानले प्रतियोगितामा भाग नलिने निर्णय गरेसँगै यो समूहमा तीन टोलीबीच मात्र प्रतिस्पर्धा हुनेछ । तीन मध्ये दुई टोली सेमिफाइनलमा पुग्ने भएकाले नेपाललाई जम्मा एक जित जरुरी छ । तसर्थ फिफा बरियतामा पनि कम रहेको श्रीलङ्कालाई हाबी हुँदै दोस्रो चरणको स्थान सुरक्षित गर्नुपर्ने हुन्छ ।
अर्कोतिर भारतलाई पनि पराजित गरेमा या राम्रो गोल अन्तरमा बराबरी खेलेमा पनि नेपालको यात्रा सहज हुनेछ । नेपाल समूह विजेता हुन सकेमा अर्को समूहको उपविजेतासँग सेमिफाइनल भेट पक्का हुनेछ ।
यसो भएको खण्डमा नेपालको फाइनल यात्रा सहज हुन सक्नेछ जहाँ समूह ‘बी’ का टोली अफगानिस्तान, माल्दिभ्स, बङ्गलादेश र भुटानमध्ये एक प्रतिक्षारत हुनेछन् ।
साफ च्याम्पियनसिपमा नेपालको यात्रा सेमिफाइनलभन्दा अघि बढ्न सकेको छैन । साफ खेल्ने आठ राष्ट्र मध्ये पाँच टोलीले प्रतियोगिता जितिसकेका छन् जसमा भारत छ पटक तथा अफगानिस्तान, बङ्गलादेश, माल्दिभ्स र श्रीलङ्काले एक÷एक पटक जित्नेमा छन् । यता नेपाल पनि पहिलो जितको खोजीमा छ ।
प्रतियोगीतामा सहभागी हुन भारत बाहेक ६ देशको टिम त्याहा पुगिसकेको छ ।
