धरान,सुनसरी ७ पुष २०७२ / केही दिन यता जाडो बढेपनि जाडोमा ओढ्ने सिरक, डस्नाको बिक्रि बितरण भने घटेको पाईएको छ ।
भारतको नाकाबन्दी र मधेस आन्दोलनले आर्थिक अवस्था कमजोर हु“दै गएकाले सिरक र डस्नाको व्यापार पनि घटेको हो ।
मंसिर अन्तिम देखिनै जाडो शुरु भए लगत्तै सिरक, डस्नाको व्यापार बढ्ने गरेको थियो । तर पुष पहिलो साता लाग्दा समेत व्यापार हुन नसकेको धरानका व्यापारीहरु बताउँछन् । नाकाबन्दी र मधेस आन्दोलनले मन्दी छाएको उनीहरुको भनाई छ ।
विशेष गरी मंसिर महिनादेखि माघको अन्तिमसम्म धरानका अधिकाश व्यापारीका कपडा पसलबाट सिरक किन्ने ग्राहकहरु आउने गर्दथे । जाडोको मौसममा धरान लगायत पहाडी जिल्ला धनकुटा, तेह्रथुम, संखुवासभा लगायतका जिल्लाका व्यापारीहरु धरानमा सिरक आउने गर्दथे । तर निरन्तरको बन्द र भारतको नाकाबन्दीले व्यापार घटेको युनिक कलेक्सन धरानका व्यापारी सुनिल गोसाईले बताउनुभयो ।
अन्य कपडाको तुलनामा सिरक, डसनाको बजार घट्दै गएको छ । जाडोको समयमा धरानमा दैनिक रुपमा २५ वटा सम्म सिरक, डसनाको अर्डर आउने आउथ्यो तर अहिले मुस्किलले ५ वटा सम्म मात्रै तयारीको लागि अर्डर आउने गरेको सिरक डसना तयार गर्ने मजदुर बताउँछन् ।
भारतबाट सिरक, डसना तयार गर्न आएका मजदुरहरु पनि काम नपाएर फर्कनु परेको मजदुरहरुको भनाई छ ।
