काठमाण्डौ,१७ मंसिर ।
घुस लिएको आरोपमा फुटवलको सर्वोच्च निकाय फिफाका २ उच्च अधिकारी स्वीजरल्याण्डको जुरिचबाट पक्राउ परेका छन ।
प्रहरीले जुरिचस्थित एक होटेलबाट उनीहरुलाई पक्राउ गरेको हो । पक्राउ परेका ती अधिकारीहरुको नाम भने सार्वजनिक गरिएको छैन । उनीहरुले घुसवापत लाखौं डलर घुस लिएको आरोप लागेको छ ।
स्वीजरल्याण्डको न्यायसम्बन्धी संघीय कार्यालयले पक्राउ परेको फिफाका अधिकारीहरुविरुद्ध विभिन्न फुटवल प्रतियोगिता आयोजना गर्न चाहाने मुलुकहरुसंग लाखौं डलर घुस लिएको आरोप लागेको जनाएको बीबीसीले उल्लेख गरेको छ ।
यता, फिफाले भने सुधारका पक्षमा हुने सबै खाले अनुसन्धानमा आफ्नो पूर्ण सहयोग रहने बताएको छ । यद्यपी आफ्ना उच्च अधिकारीको पक्राउबारे भने फिफाले कुनै प्रतिक्रिया दिएको छैन ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
