काठमाडौ १३ मंसिर ।
स्पेनिस ला लिगा अन्तर्गत गएराति राति सम्पन्न खेलमा बार्सिलोना र एथ्लेटिको मड्रिड विजयी भएका छन् । घरेलु मैदानमा भएको खेलमा बार्साले रियाल सोसीडाडलाई ४–० ले पराजित गर्यो ।
बार्साका लागि नेइमारले दुई गोल गरेका थिए भने लुईस सुवारेज र लियोनल मेस्सीले एक एक गोल गरेका छन् । ला लिगा अन्तर्गतकै अन्य खेलमा एथ्लेटिको मड्रिडले इस्पानियोललाई १–० ले पराजित गरेको छ भने लेभान्त रियाल बेटीसलेसँग १–० ले पराजित भएको छ ।
यस्तै सेल्टा भिगोले स्पोर्टीङ गियोनलाई २–१ ले तथा डेपोर्टीभो लाकोरुनाले लास पाल्मासलाई २–० ले हराएका छन् । मालागा र ग्रानाडाले २–२ को बराबरी खेलेका छन् ।
गएराति सम्पन्न खेल ला लिगामा १३ खेलबाट ३३ अंक जोडेको बार्सिलोना शिर्ष स्थानमा छ । समान खेलबाट २९ अंक जोडेको एथ्लेटिको मड्रिड दोस्रो स्थानमा छ भने १२ खेलबाट २४ अंक जोडेको रियाल मड्रिड तेस्रो स्थानमा छ ।
