काठमाडौ १० मंसिर ।
च्याम्पियन्स लिग फुटबल अन्तर्गत गएराति सम्पन्न खेलमा एथ्लेटिको मड्रिडद्धारा गालाटासारे २–० ले पराजित भएको छ ।
जीतसँगै एथ्लेटिको मडिड समुह सी को शीर्ष स्थानमा उक्लिएको छ । एथ्लेटिको मड्रिडका लागि दुवै गोल एन्टोन ग्रिजम्यानले गरे ।
१३ औं मिनेटमा पहिलो गोल गर्दै सुरुवाती अग्रता दिलाएका उनले ६५ औं मिनेट प्न अर्को गोल गरेपछि एथ्लेटिको मड्रिड २–० ले विजयी भयो ।
जितपछि पाँच खेलबाट१० अंक जोड्दै एथ्लेटिको शिर्ष स्थानमा उक्लिएको हो । पाँच खेलबाट चार अंक जोडेको गालाटासारे भने समुहको तेस्रो स्थानमा छ ।
समुह सी अन्तर्गतकै गएराति सम्पन्न अर्को खेलमा बेन्फिका एफसी आस्टनसँग २–२ को बराबरीमा रोकिएको छ । बराबरीसँगै बेन्फिका दोस्रो स्थानमा झरेको छ ।
पाँच खेलबाट १० अंक नै भएपनि गोलअन्तरका आधारमा बेन्फिका एथ्लेटिको मड्रिड भन्दा पछि परेको हो । पाँच खेलबाट तीन अंक जोडेको आस्टन समुहको पुछारमा छ ।
