बैतडी , ९ मङ्सिर ।
सातौ राष्ट्रिय खेलकुद छनौट क्रिकेट प्रतियोगिताको उपाधी त्रितोचन क्रिकेट क्लबले कब्जा गरेको छ ।
बैतडी जिल्ला क्रिकेट संघको आयोजनामा भएको बिडिसिए कपको १५ औं संस्करणको सम्पन्न फाइनल खेलमा एनआरवाइसी बट्ठालाई ६ विकेटले पराजित गर्दै लगातार दोश्रो पटक त्रिलोचनले उपाधि जितेको हो ।
निङ्गलासैनी खेल मैदान देहिमाण्डौं मंगलवार टस जितेर पहिला ब्याटिङ गरेको एनआरवाइसी ले १९.१ ओभरमा १० विकेटको क्षतीमा १२८ रन बनाएको थियो ।
१२९ रनको विजयी लक्ष्यका साथ जवाफी ब्याटिङमा उत्रेको त्रिलोचनले १६.४ ओभरमा ४ विकेट गुमाएर लक्ष्य भेट्टायो ।
त्रिलोचन उपाधि जितेसंगै ट्रफि र २० हजार नगद प्राप्त गरेको क्रिकेटका राष्ट्रिय स्कोरर निरन्जन बोहराले जानकारी दिऐ ।
यस्तै उपविजेता एनआरवाइसी बट्ठाले ट्रफी र नगद १० हजार प्राप्त गरेको छ । प्रतियोगितामा ७३ रन बनाउने त्रिलोचनका लोकेश चन्द म्यान अफ द फाइनल घोषित भए ।
खेल अवधिभर १८२ रन जोडेनुका साथै ४ विकेट हात पार्ने त्रिलोचनकै बसन्त खत्री म्यान अफ द सिरिज घोषणा भएका थिए ।
विजेता तथा उपविजेताहरुलाई एक कार्यक्रमकाबीच ट्रफी र नगद पुरुस्कार वितरण गरिएको छ ।
