काठमाडौ ९ मंसिर ।
च्याम्पियन्स लिग फुटबल अन्तर्गत गएराति सम्पन्न खेलसँगै चेल्सी समुह जी को शीर्ष स्थानमा उक्लिएको छ ।
१० खेलाडीमा सीमित माकाबी टेल अविवलाई ४–० ले पराजित गरेको चेल्सी पाँच खेलबाट १० अंकसहित शीर्ष स्थानमा उक्लिएको हो ।
खेलको २० औं मिनेटमा ग्यारी काहिलको गोलबाट चेल्सीले सुरुवाती अग्रता लिएको थियो । ७३ औं मिनेटमा विलियनले अग्रता दोब्बर पारे ।
त्यसको चार मिनेटपछि ओस्कारले गोल गरेपछि चेल्सीको अग्रता ३–० मा पुग्यो । ९० औं मिनेटमा कुर्ट जोउमाले गोल गर्दै चेल्सीलाई ४–० को जित दिलाए । समुह जी अन्तर्गतकै अर्को खेलमा डाइनामो किएभसँग एफसी पोर्टो २–० ले पराजित भएको छ ।
पाँच खेलबाट १० अंक जोडेको पोर्टो दोस्रो तथा डाइनामो किएभ ८ अंकसहित तेस्रो स्थानमा छ । चेल्सीसँग पराजित भएको टेल अविवले अंक जोड्न सकेको छैन ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
