काठमाडौं, ८ मंसिर ।
नेत्र बिक्रम चन्द्र बिप्लब नेतृत्वको नेकपा माओवादीले भारतले अघोषित रुपमा लगाएको नाकाबन्दी र हस्तक्षेपको विरुद्धमा आज राजधानीमा शक्ति प्रदर्शन गरेको छ ।
रत्नपार्कको शान्तिबाटिकाबाट सुरु भएको बिरोध रयाली राजधानीका बिभिन्न स्थानको परीक्रमा गर्दै पुनह शान्तिबाटिकामा पुगेर कोणसभामा परिणत भएको थियो ।
कोण सभालाई पाटी प्रबक्ता खड्क बहादुर बिश्वकर्मा र स्थायी समिती सदस्य धर्मेन्द्र बास्तोलाले सम्बोधन गर्दै हुनुहुन्छ । बजारमा बस्तुको अभाब भइरहेको मौका छापी कालोबजारी गर्नेहरुका बिरुद्ध प्रदर्शन गरीएको माओबादीले जनाएको छ ।
भारतीय हस्तक्षेपबाट नेपालीको दैनिकी चरम संकटमा परिरहेका बेला निजामती कर्मचारी नै कालो बजारी गर्नमा तल्लिन देखिएको भन्दै प्रदर्शन राष्ट्रिय स्वाधीनताको पक्षमा र दलाल–तस्करको विरुद्धमा लक्षित भएको माओवादीले जनाएको छ ।
