काठमाण्डौ,८ मंसिर ।
नवलपरासीमा जारी ३४ औ अन्तर्रा्ष्ट्रिय हात्तीपोलो प्रतियोगिताअन्तर्गत आज चारवटा खेल हुँदै छन ।
पहिलो खेलमा इङ्ल्याण्ड र श्रीलङ्का भिड्ने छन् । त्यसैगरी दोस्रो खेलमा अमेरिका र स्विड्जरल्याण्ड भिड्ने छन् भने तेस्रो खेलमा अरविया र नेपालको थारु लज टाइगर भिड्ने भएका छन ।
चौथो खेलमा टाइगर टप्स टस्कर र पक्क चक्क अस्ट्रेलियाबीच खेल हुने व्यवस्थापक डिबी चौधरीले जानकारी दिएका छन ।
यसअघि हिजो भएका खेलमा नेपालसहित चार देश विजयी भएका थिउ । टाइगर टप्स टस्कर नेपाल, दि रस्टी कुर्किस युके, गोल ओए श्रीलङ्का र इएचफजी स्विट्जरल्याडका खेलाडी विजयी भएका छन् । पहिलो खेल सिआइएच सेन्टपल गिरिपिन्स अमेरिका र नेपालको टाइगर टप्स टस्कर बीच भएको थियो ।
टाइगर टप्स होटलको आयोजनामा बर्से्नि हुने प्रतियोगिता यस वर्ष नवलपरासीको कावासोती– १५ अमलटारीस्थित गुन्द्रही ढकाहा मध्यवर्ती सामुदायिक वनको चौरमा जारी छ ।
यो खेल नेपालमा मात्र हुने अन्तर्रा्ष्ट्रियस्तरको खेल हो । प्रतियोगिता यही मङ्सिर ११ गतेसम्म सञ्चालन हुनेछ ।
