काठमाडौं, ६ मंसिर ।
स्पेनिस ला लिगा फुटबल अन्तर्गत यो सिजनको पहिलो इएल क्लासिकोमा बार्सिलोना विजयी भएको छ ।
बार्सिलोनालो चिरप्रतिद्धन्द्धी रियल मड्रिडलाई उसकै शनिबार राति घरेलु मैदान बर्नव्यउमा ४–० ले हरायो ।
बार्सिलोनालाई सानदार जित दिलाउन लुइस स्वारेजले दुई तथा नेइमार र आन्द्रे इनिएस्टाले एक एक गोल गरे । ११ औं मिनेटमा स्वारेजले पहिलो गोल गर्दै बार्सिलोनालाई सुरुवाती अग्रता दिलाए ।
३९ औं मिनेटमा नेइमारले अग्रता दोब्बर पारे । ५३ औं मिनेटमा इनिएस्टाले गोल गरेपछि रियल मड्रिड ३–० ले पछि र्पयो ।
७४ औं मिनेटमा स्वारेजले व्यक्तिगत दोस्रो गोल गर्दै बार्सिलोनालाई ४–० को सानदार जित दिलाए । जित पछि शीर्ष स्थानको बार्सिलोनालो रियल मड्रिडसँगको अंक दूरी ६ मा र्पुयाएको छ ।
बार्सिलोनाको १२ खेलबाट ३० तथा दोस्रो स्थानको रियल मड्रिडको १२ खेलबाट २४ अंक छ । शनिबार रातिको खेलमा सुरुमा बेन्चमा रहेको मेस्सी ५७ औं मिनेटपछि खेलेका थिए ।
५५ औं मिनेटमा इस्को रातो कार्ड खाँदै मैदानबाट बाहिरिएपछि रियल १० खेलाडीमा सिमित भएको थियो । शनिबार राति नै अरु खेलमा रियल सोसिडाड, डिप्रोटिभो डी ला कोरुना र इस्पानियोल विजयी भए ।
