काठमाडौ ३ मंसिर ।
फुटबलको सर्बोच्च निकाय फिफाले निलम्बित अध्यक्ष सेप ब्लाटर र उपाध्यक्ष मिचेल प्लाटिनीको अपिल खारेज गरेको छ । आफूहरुमाथि लागेको ९० दिनको निलम्बन विरुद्ध ब्लाटर र प्लाटिनीले फिफामा अपिल गरेका थिए ।
फिफाको विशेष कमिटिले ब्लाटर र प्लाटिनीको अपिल खारेज गरेको हो । फिफाले भ्रष्टाचार आरोपमा छानबिनका लागि भन्दै गत अक्टोबरमा ब्लाटर र प्लाटिनीलाई ९० दिनका लागि निलम्बन गरेको थियो ।
तर दुवै जनाले आफूहरुमाथि लागेको आरोप अस्वीकार गर्दै आएका छन् । ब्लाटर र प्लाटिनीसँगै महासचिव जेरोमी वाल्केलाई पनि फिफाले निलम्बित गरेको थियो ।
यस्तै फिफाको विशेष कमिटिले फिफाका पूर्व उपाध्यक्ष चुङ मोङलाई ६ वर्षको प्रतिबन्ध लगाउने निर्णय पनि गरेको छ । प्लाटिनी र चुङ आगामी फेब्रुवरीमा नयाँ अध्यक्ष चयनका लागि हुने निर्वाचनका उम्मेदवार हुन् ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
