काठमाडौ २ मंसिर ।
भारतीय नाकाबन्दीका कारण मुलुकमा अत्यावश्यकीय औषधीको अभाव हुन थालेपछि सरकारले तत्काल औषधी आपूर्तिको व्यवस्था मिलाइ दिन बिश्व स्वास्थ्य संगठन डब्लुएचओलाई आग्रह गरेको छ ।
मुलुकका ठुला अस्पतालमा औषधी अभावमा शल्यक्रिया समेत कटौती गर्नुपर्ने अवस्था आएपछि सरकारले डब्लुएचओलाई गुहारेको हो ।
सरकारले खरीद गर्दा प्रक्रिया र्पुयाउन समय लाग्ने भएपछि स्टक समेत सकिएका ८ प्रकारका औषधी जतिसक्दो छिटो ल्याउने व्यवस्था मिलाउन डब्लुएचओलाई पत्राचार गरेको स्वास्थ्य मन्त्रालयका प्रवक्ता महेन्द्र श्रेष्ठले जानकारी दिनुभयो ।
यसअघि बालबालिकामा लगाइने अत्यावश्कीय खोपको अभाव हुँदा पनि सरकारले युनिसेफ मार्फत खरिद गर्न लगाएको थियो । सार्वजनिक खरिद ऐन अन्र्तगत सरकारी प्रंक्रिया पुरा गर्न समय लाग्ने भएकाले अत्यावश्कीय औषधी खरिद गर्दा सरकारले दातृ निकायलाई गुहार्ने गरेको छ ।
