काठमाडौ २ मंसिर ।
आइसीसी वल्र्ड क्रिकेट लिग च्याम्पियनसीपको दोस्रो चरण अन्तरगत अन्तिम खेलमा आज नेपालले पुनः पपुवा न्यगिनीसँग खेल्दैछ । खेल नेपाली समय अनुसार बिहान साँव ११ बजे अवुधावीमा हुनेछ ।
नेपालका लागि निकै अर्थपूर्ण मानिएको पुपवा न्युगिनी विरुद्धको पहिलो खेलमा हार बेहोरेपछि दवावमा परेको नेपाल दोस्रो खेलमा जित हार पार्दै अघिल्लो चरणमा पुग्ने दाउका साथ मैदान उत्रिदैछ ।
८ राष्ट्र सम्मिलित प्रतियोगितामा नेपाल अंकबिहिन रहँदै तालिकाको पुच्छारमा रहेको छ । प्रतियोगितामा नेपाल बाहेकका सबै टीमले जीत आत्मासात गरिसक्दा नेपाल पहिलो जीतका लागि आजको खेल जीत्नैपर्ने दवावमा छ ।
सोमबार सम्पन्न खेलमा नेपाल पपुवा न्युगिनी विरुद्ध २ विकेटले पराजित भएको थियो । राम्रो ब्याटिङका बाबजुत बलिङमा भएको गल्तीका कारण सोमबार पराजित नेपाल आफ्नो ब्याटिङलाई थप मजबुत बनाउदै बलिङमा सुधारिएको प्रदर्शनको पर्खाइमा रहेको छ ।
प्रतियोगिता अन्तरगत पहिलो चरणको खेलमा नेपाल स्कटल्यान्डसँग पराजित भएको थियो । प्रतियोगितामा अन्य टीममा केन्या, नेदरल्यान्ड, स्कटल्यान्ड, हङकङ, युएई र नामिबिया रहेका छन् । शिर्ष ६ टोली सन् २०१८ मा बंगलादेशमा हुने विश्वकप छनोटमा सहभागी हुन पाउनेछन् ।
