काठमाण्डौ, २८ कार्तिक । आइसीसी विश्व क्रिकेट लिग च्याम्पियसिपअन्तर्गत् पपुवा न्यूगिनीविरुद्धको खेलका लागि युएई पुगेको नेपाली राष्ट्रिय क्रिकेट टोलीले अभ्यास खेलमा ओमानविरुद्ध तीन विकेटको पराजय व्यहोरेको छ ।
आबुधाबीमा भएको खेलमा टस हारेर पहिले ब्याटिङ गरेको नेपालले ओमानसामु ४९ दशमलव ३ ओभरमा अलआउट हुदै १ सय ८५ रनको सामान्य चुनौती प्रस्तुत गरेको थियो ।
कमजोर ब्याटिङ गरेको नेपालका लागि ज्ञानेन्द्र मल्लले ७१ तथा पारस खड्काले ४९ रन जोड्नु बाहेक अन्य ब्याट्सम्यानले दोहोरो अंक जोड्न सकेनन् ।
त्यस पछि जवाफी व्याटीङमा आएको ओमनले सम्हालिएर खेल्दै नेपालको चूनौती ७ विकेटको क्षतिमा ४८.१ ओभरमा पूरा गर्यो ।
नेपालका लागि शक्ति गौचनले ३ विकेट लिए भने महबुब आलम २ तथा सागर पुन, र बिक्रम सोबले एक एक विकेट लिएका थिए ।
नेपालले भोली पपुवा न्यु्गिनी विरुद्ध खेल्ने छ ।
