कार्तिक २८, काठमाडौं ।
बंगलादेशबाट इन्धन आपूर्तिको सम्भावनाबारे छलफल गर्न नेपाल आयल निगमको टोली आज वंगलादेश जादैछ । भारतले तत्काल नाका खोल्ने संकेत नदिएपछि निगमले बंगलादेशको विकल्प खोजेको हो ।
नाकाबन्दीका कारण इन्धन आपूर्तिमा समस्या भएपछि मुलुकभर देखिएको चरम अभावलाई समाधान गर्न निगमको टोली आज अपरान्ह त्यसतर्फ जाने कार्यक्रम रहेको छ ।
निगमका निर्देशक मुकुन्द घिमिरे र इन्जिनियरिङ विभागका निर्देशक विरेन्द्र गोईत अपरान्ह २ वजे वंगलादेश एयरबाट त्यसतर्फ लाग्ने बताईएको छ ।
वंगलादेश पेट्रोलियम कर्पोरेशनबाट पेट्रोल , डिजेल, हवाई इन्धन र एलपी ग्यास खरिदको सम्भावना वुझ्न आज त्यस तर्फ जान लागिएको टोलीका सदस्य मुकुन्द घिमिरेले जानकारी दिनुभयो ।
इन्धन आपूर्ति खरिदका सम्वन्धमा त्याहाँको वाणिज्य मन्त्रीस्तरमा नै छलफल हुने घिमिरेको भनाई छ । पहिलो चरणमा नेपाली टोली र बंगलादेश पेट्रोलियम कर्पोरेशनबीच भोली छलफल हुने भएको छ ।
