काठमाडौँ, २७ कात्तिक । प्रधानमन्त्री केपी शर्मा ओलीले देशले भोग्नुपरेको वर्तमान सङ्कट चाँडो समाधान हुने बताउनु भएको छ ।

रिपोर्टर्स क्लब नेपालले आज प्रधानमन्त्रीको सरकारी निवासमा खेलेको देउसीभैलो कार्यक्रममा प्रधानमन्त्री ओलीले संविधान निर्माण भएको वर्ष जुन तामझामका साथ चाडपर्व मनाउनुपर्ने हो वर्तमान सङ्कटले मनाउन नसके पनि यसको चाँडो समाधान हुने विश्वास व्यक्त गर्नु भयो ।

उहाँले भन्नुभयो, “देश कष्ट र मानवीय सङ्कटबाट गुज्रिएको छ यसको समाधानका लागि हामी लागिरहेका छौँ, वर्तमान सङ्कट राष्ट्रिय र अन्तर्राष्ट्रिय रुपमा कानुनसम्मत छैन, यसका लागि कूटनीटिक पहल भैरहेको छ ।” प्रधानमन्त्रीले सबै दललाई मिलाएर अगाडि बढ्ने विश्वास समेत व्यक्त गर्नु भयो ।