काठमाडौ २४ कार्तिक ।
यमपन्चकको दोस्रो दिन आज कुकुर तिहार । इमान्दार पहरेदार कुकुरलाई टीका तथा माला लगाई मिठा मिठा खानेकुरा खान दिई आज घर घरमा कुकर तिहार मनाइदैछ ।
घरको रक्षा गर्ने र आज्ञाकारी कुकुरलाई आज मिठो मिठो परिकार खुवाइन्छ । विनासकारी प्राकृतिक प्रकोप तथा दैवी विपत्ती जस्ता विपतमा कुकुरले पूर्वसूचना समेत दिने जनविश्वस रहि आएको छ ।
इमानदार पहरेदार जन्तुका रुपमा परापूर्वकालदेखि परिचित कुकुरलाई वर्षमा एकपटक यमदूतका रुपमा पूजा गर्ने चलन छ । आजका दिनलाई नरक चतुर्दशी पनि भन्ने गरिन्छ ।
सत्यवादी धर्मराज युधिष्ठिरलाई स्वर्गयात्रामा समेत साथ दिने सौभाग्य पाएको कुकुरको मानव जातिसँग घनिष्ठ सम्बन्ध रहिआएको छ ।
यमपाचकमा काग कुकुर गाई र बहरजस्ता पशुपक्षीको पूजा गरी सम्मान गर्नु प्रकृतिका सबै जीवसँग मानव जातिको सह अस्तित्व रहिआएको छ भन्ने जीवनदर्शनको प्रतीकका रुपमा नेपाली संस्कृतिमा परापूर्वकालदेखि रहेको पाइन्छ ।
