राष्ट्रिय तथा अन्तर्राष्ट्रिय खेलाडी सङ्घको आयोजनामा आज दशरथ रङ्गशालामा विरोध कार्यक्रम गर्दै विभिन्न खेलका खेलाडी तथा पदाधिकारी भेला भएका थिए । आज पहिलो चरणको कार्यक्रममा उनीहरुले हस्ताक्षर अभियान सुरु गरेका छन् ।
राष्ट्रिय खेलकुद परिषद् (राखेप)का सदस्यसचिव केशवकुमार विष्ट, पूर्व खेलाडी बैकुण्ठ मानन्धर, दीपक विष्ट, सङ्गीना वैद्य, जितबहादुर केसी, सुशीलनरसिंहलगायत विभिन्न खेलका प्रतिनिधिले नाकाबन्दीविरुद्ध हस्ताक्षर गरे ।
आजै हस्ताक्षर सङ्कलन सकेर भोलि प्रधामन्त्री केपी शर्मा ओली र भारतीय राजदूतावासलाई बुझाउने कार्यकम रहेको कार्यकमको संयोजक धावक एवम् पर्वतारोही सञ्जय पण्डितले जानकारी दिनुभयो ।