काठमाडौ २३ कार्तिक ।
स्पेनिस कलब बार्सिलोना स्पेनिस ला लिगा फुटबलको शीर्ष स्थानमा उक्लिएको छ ।
गएराति सम्पन्न खेलमा भिल्ला रियललाई ३–० ले पराजित गर्दै बार्सिलोना प्रतियोगिताको शीर्ष स्थानमा उक्लिएको हो ।
पहिलो हाफमा दुवै तर्फ गोल हुन नसकेको खेलको ६० औं मिनेटमा बार्सिलोनाका लागि नेइमारले पहिलो गोल गरे । त्यसको १० मिनेटपछि पाएको पेनाल्टिको अवसरलाई लुइस स्वारेजले सदुपयोग गरेपछि बार्सिलोनाको अग्रता दोब्बर भयो ।
८५ औं मिनेटमा नेइमारले गरेको व्यक्तिगत दोस्रो गोलपछि बार्सिलोना ३–० ले विजयी भएको हो । जितपछि डिफेन्डिङ च्याम्पियन बार्सिलोना रियल मड्रिडलाई पछि पार्दै शीर्ष स्थानमा उक्लिएको छ । उसको ११ खेलबाट २७ अंक भएको छ ।
पराजित टीम भिल्ला रियल ११ खेलबाट २० अंक जोड्दै तालिकाको पाँचौं स्थानमा छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
