कार्तिक २२ काठमाण्डौं । अन्तराष्ट्रिय क्रिकेटको बलियो शक्ति पाकिस्तान विरुद्धको अभ्यास खेलमा नेपालले सम्मानजनक हार व्यहोरेको छ ।
आज दुवईमा भएको खेलमा पाकिस्तानले दिएको ३ सय २७ रनको चूनौती विरुद्ध सम्मानजनक व्याटीङ गरेको नेपालले कुल ५० ओभरमा ५ विकेट गुमाएर २ सय ५ रन बनाउन सफल रह्यो । पाकिस्तानले ५० ओभरमा ६ विकेट गुमाएर ३ सय २६ रन बनाएको थियो । समग्रमा नेपाल १ सय २१ रनले पराजीत भयो ।
नेपालका लागि अनील मण्डलले सर्वाधीक ६१ रन जोडे । उनले एक छक्का र चार चौका प्रहार गरे । त्यसै गरी ज्ञानेन्द्र मल्ल ४१, सागर पुन ३९, सुभाष खकुरेल २६, पारस खड्का १३ रनमा आउट भए ।
शरद भेस्वाकरले अवीजीत १४ रन जोेडे । पाकिस्तानका लागि भने अजर अलीले सर्वाधीक ७३ रन जोडे । त्यसै गरी सोएब मल्लिक ६३,मोहम्मद हाफिज ४९,बाबर अजाम ४३,युनिस खान ३८ र अहमेद सेहजादले ३५ रन जोडे ।
नेपालका बसन्त रेग्मीले २ विकेट लिए भने पारस खड्का र सागर पुनले समान एक एक विकेट लिएका थिए ।
