काठमाडौ २२ कार्तिक ।
मैत्रीपुर्ण अभ्यास खेलमा पाकिस्तानले नेपालसामु ३ सय २७ रनको लक्ष्य दिएको छ ।
आइसिसी विश्व क्रिकेट लिग च्याम्पियन अन्तर्गत पपुवा न्यूगिनीसँग खेल खेल्न यूएई पुगेको नेपाली राष्ट्रिय क्रिकेट टोलीले पाकिस्तानसँग अभ्यास खेल खेल्ने मौका पाएको हो ।
पहिले ब्याटिङ गरेको पाकिस्तानले निर्धा्रित ५० ओभरमा ६ विकेटको क्षतिमा ३ सय २६ रन बनाएको हो ।
पाकिस्तानका लागि अजहर अलीले ७३, सोहेब मल्लिकले ६३, मोहम्मद हफिजले ४९ र अहमद सेहजादले ३५ रन बनाए । नेपालका लागि बसन्त रेग्मीले २ तथा पारस खड्का र सागर पुनले १–१ विकेट लिए ।
अन्तर्रा्ष्ट्रिय क्रिकेट परिषद् आईसिसीको संयोजकत्वमा नेपालले पाकिस्तानसँग एक दिवसीय अभ्यास खेल खेल्न पाएको हो ।
पाकिस्तानले युएइमा इंग्ल्याण्डसँग टेस्ट खेलिरहेको मौका पारेर नेपाली टोलीलाई पाकिस्तानसँग खेल्ने व्यवस्था मिलाइएको हो ।
यसअघि युईमा भएको हङकङसँगको दुई दिने अभ्यासमा नेपालले बराबरी खेलेको थियो । आइसिसी विश्व क्रिकेट लिग प्रतियोगितामा नेपालले कात्तिक ३० र मंसिर २ गते पपुवा न्युगिनीसँग खेल्नेछ ।
