काठमाण्डौ, २० कार्तिक ।
नेपाल र हङकङवीचको दुई दिवसीय क्रिकेटको अभ्यास खेल बराबरीमा टुङ्गिएको छ ।
५८ ओभरमा ३ सय १३ रनको लक्ष्य पाएको नेपालले दोस्रो इनिङसमा ५० ओभर खेल्दै ७ विकेट गुमाएर १ सय ५५ रन बनाएपछि खेल बराबरीमा भएको हो ।
नेपालका लागिशरद भेषाकरले ४७ र अनिल मण्डलले ४४ रन जोडे । भेषावकर र मण्डलले तेस्रो विकेटका लागि ८४ रनको साझेदारी गर्दै केही आशा जगाएका थिए । तर मण्डल आउट भएपछि नेपालको पतन सुरु भएको थियो ।
मेहबुब आलमले २० र कप्तान ज्ञानेन्द्र मल्लले १२ रन बनाउनु बाहेक पवेलियन फर्केका अन्य ब्याट्सम्यानले दोहोरो अंक छुन सकेनन् । तन्विर अफजाल र किन्चित साहले समान ३ विकेट लिए । हङ्कङले आज आफ्नो दोस्रो ईनिङ्गस् ७ विकेटको क्षतिमा २ सय ३ रनमा डिक्लियर गरेपछि नेपालले ३ सय १३ रनको उच्च लक्ष्य पाएको थियो ।
हङ्कङ्ले पहिलो ईनिङ्गस् ४ विकेटको क्षतिमा २ सय १५ रनमा डिक्लियर गरेको थियो । नेपालले भने ३६ ओभरमा एक विकेट गुमाई १ सय ६ रनमा पहिलो ईनिङ्गस् डिक्लियर गरेको थियो ।
