काठमाण्डौ ,१९ कार्तिक ।
दुई देशबीचको सम्झौता उल्लघन गर्दै भारतीय सीमा सुरक्षा बल (एसएसबी)ले दशगजा क्षेत्रमा अस्थायी क्याम्प खडा गरि कामकारवाहि सन्चालन गर्दै आएको छ ।
नेपाल भारतको सिमामा पर्ने जोगवनीस्थित दशगजा क्षेत्रभित्र पाच दिन देखि क्याम्प खडा गरी एसएसबीले कार्यसन्चालन गर्दै आएको हो ।
एसएसबीको क्याम्प बसेकको एक साता पुग्न लाग्दा पनि नेपाली पक्षले त्यसलाई फिर्ता पठाउन पहल गर्न सकेको छैन । सीमाको दशगजा क्षेत्रलाई दुवै देशले प्रयोग गर्न मिल्दैन । त्यहाँ भौतिक संरचना निर्माण गर्न पनि पाईदैन ।
दुवै देशको सिमाना छुट्याउन गाडिएको पिलर छेउमै एसएसबीले क्याम्प खडा गरेको छ । विराटनगरबाट जोगवनी प्रवेशका लागी बनाईएको गेटदेखि भित्रपट्टि टेन्ट टागेर क्याम्प बनाईएको आजको कान्तिपुरमा खबर छ । एसएसबीको क्याम्प र नेपाली भूभागमा गाडिएको पिलरको दुरी दुई मिटरमात्रै छ ।
संयुत्त लोकतान्त्रिक मधेशी मोर्चाको आन्दोलनका क्रममा दशगजा क्षेत्रमा प्रवेश गरेर आन्दोलनकारीले नेपाली भुमिमाथि आक्रमण गर्दै आएका थिए ।
