काठमाडौँ, १९ कात्तिक ।
पूर्वाञ्चलमा आगामी मङ्सिर ११ गतेदेखि हुने तय भएको सातौँं राष्ट्रिय खेलकुद प्रतियोगिता घोषित मितिमा नहुने भएको छ ।
समयमै बजेट निकासा नभएको, तराई मधेसमा जारी आन्दोलन र भारतले गर्दै आएको अघोषित नाकाबन्दीका कारण निर्धारित मितिमा प्रतियोगिता गर्न नसकिने राष्ट्रिय खेलकुद परिषद्का सदस्य सचिव केशवकुमार विष्टले बताएका छन ।
नयाँ मन्त्री नियुक्त भएपछि प्रतियोगिताको नयाँ मिति तय गरिने बिष्टको भनाई छ । तराई मधेसमा जारी आन्दोलन र नाकाबन्दी तत्काल हटे आगामी पुस र मधेस बन्द रहीरहे फागुनसम्ममा प्रतियोगिता सम्पन्न गरिने उनले बताएका छन ।
विभिन्न राष्ट्रिय खेल सङ्घका पदाधिकारीहरुसँग भएको छलफलका क्रममा राखेपलाई अधिकांशले मुलुकको विभिन्न भागमा जारी बन्द, हड्ताललगायतका प्रतिकुल अवस्थामा सातौँ राष्ट्रिय खेलकुदको मिति सार्न सुझाव दिएका थिए ।
