काठमाडौं, १८ कार्तिक ।
महानगरीय प्रहरी परिषर भक्तपुरले विभन्न चाँडपर्वलाई मध्यानजर गर्दै जिल्लाभरी नै आजदेखि घरदैलो अभियान थालेको छ ।
तिहार, नेपाल सम्बत् र छठ लगाएतका पर्वमा हुनसक्ने अपराध न्यूनीकरणका लागि घरदैलो अभियान सुरु गरेको परिषरका प्रमुख एवं प्रहरी उपरीक्षक किरण बज्राचार्यले जानकारी दिनुभयो ।
प्रहरीले जुवा तास खेल्ने, खेलाउने, पटका बिक्री गर्ने तथा पट्काउने समेतलाई कडा कारबाही गर्ने भएको छ भने प्रहरी परिषर तथा जिल्लाभरका प्रहरी बृत्त एवं प्रभागबाट प्रहरी परिचालन गरेर जनचेतना अभिबृद्धि सहितको कार्यक्रम संचालन भएको हो ।
प्रहरी परिषर भक्तपुरका प्रहरी नायब उपरीक्षक शेखर खनालले तिहार, नेपाल सम्बत र छट पर्वमा प्रहरी परिचालन गरि गस्ति गर्ने, प्रहरीको रात्रीकालिन एम्बुस थाप्ने, सादा पोशाकका प्रहरी परिचालन गर्ने, पेट्रोलिङ गर्ने बताउनुभयो ।
प्रहरीले भक्तपुर नगरपालिका क्षेत्रभित्र अपराध नियन्त्रण गर्न चोक चोकमा २० वटा सीसी क्यामरा जडान गरेको छ ।
सीसी क्यामरा जडान गरि नगरक्षेत्र भित्रको गतिबिधी पसिषरले कन्ट्रोल रुपबाट हेर्ने व्यबस्था गरिएको परिषरका प्रमुख प्रहरी उपरीक्षक बज्राचार्यको भनाई छ ।
