कार्तिक १८ काठमाण्डौं ।
एकीकृत माओवादीका प्रवक्ता दिनानाथ शर्माले पार्टीका पूर्व नेता बाबुराम भट्टराईले बनाउने भनेको नया शक्तिले देशमा काम गर्न नसक्ने बताउनु भएको छ ।
रेडियो मिर्मिरेको नियमित कार्यक्रम आजको सन्दर्भमा कुराकानी गर्दै प्रवक्ता शर्माले आफूले ३० वर्ष बाबुराम भट्टराईसग‘ सहकार्य गरेको र त्यस अवधिमा उनको सोच र शैलीको अनुभव गरेको भन्दै त्यस्तो नया शक्तिले कुनै नया जादु गर्न नसक्ने बताउनु भयो ।
कम्युनिष्ट आन्दोलनमा खेलेको भूमिकालाई बिर्सन नसकिने भएकाले पार्टीले उहालाई जिम्मेवारीमा आउन आग्रह गरेको भन्दै कुनै संकेत नआएकाले अब पार्टी पुनर्गठन गरेर अघि बढ्ने बताउनु भयो ।
एक अर्को प्रसंगमा उहाले मधेश आन्दोलनमा भारतको प्रत्यक्ष अप्रत्यक्ष संलग्नता रहेको प्रति आपत्ति जनाउनु भयो ।
भारतले बिभिन्न बहाना बनाएर विभिन्न सन्धि सम्झौता र स्रोत साधनमाथि नियन्त्रणका लागि दवाव दिने गरेको भन्दै अब भारतस‘ग झुक्न नसकिने बताउनु भयो ।
