काठमाडौं, १३ कार्तिक ।
सत्ता साझेदार दलको साझा उम्मेदवारको रुपमा उपराष्ट्रपति पदमा उम्मेदवारी दर्ता गराएका एकीकृत नेकपा माओवादीका नेता नन्दकिशोर पुन पासाङले आफू नै विजयी हुने दाबी गर्नुभएको छ ।
पूर्व जनमुक्ति सेनाका कमाण्डरसमेत रहनुभएका पासाङले सबै दलहरुको समर्थन पाउने विश्वाससमेत व्यक्त गनुर््भयोे ।
संसद भवनमा उम्मेदवारी दर्ता गराएपछि सञ्चारकर्मीलाई संक्षिप्त प्रतिक्रिया दिँदै पासाङले नयाँ संविधानको कार्यान्वयन, पालना, संरक्षणका साथै राष्ट्रलाई एकताबद्ध गर्न आवश्यक देखेर आफूले उपराष्ट्रपति पदमा उम्मेदवारी दिएको बताउनुभयो ।
आफूलाई उपराष्ट्रपति पदको उम्मेदवार सिफारिस गर्न दवाव दिएर पार्टीलाई अप्ठेरोमा पारेको भन्ने सञ्चारकर्मीको प्रश्नको खण्डन गर्दै उहाले पार्टीमा आफुले कुनै बाध्यतात्मक अवस्था सिर्जना नगरेको र पार्टीले एकमतले निर्णय गरेर आफुलाई उपराष्ट्रपतिको उम्मेदवार बनाएको स्पष्ट पार्नुभयो ।
