काठमाडौं, १३ कात्तिक । लामो समयदेखि तराईमा भइरहेको आन्दोलनका कारण झापामा रगतको अभाव भएको छ ।
रगतको अभावसँगै जिल्लामा सञ्चालित अस्पताललाई शल्यक्रियामा समेत समस्या हुने गरेको चिकित्सकले जनाएका छन् ।
तराई आन्दोलन र अहिले चार्डपर्वको समय भएका कारण पनि रक्तदान गर्ने मानिस नहुँदा जिल्लामा रगतको अभाव भएको नेपाल रेडक्रस सोसाइटी झापाका सभापति लोकराज ढकालले बताउनुभयो ।
उहाँले अन्य समयमा जिल्लामा रहेका विभिन्न सामाजिक सङ्घ सङ्गठनले रक्तदान कार्यक्रमको आयोजना गर्ने गरेको र अहिले कुनै पनि सङ्घसंस्थाले रक्तदान कार्यक्रमको आयोजना नगरेका कारण रगतको चरम अभाव भएको बताउनुभयो ।
रगत अभावका कारण जटिल प्रकारका शल्यक्रिया र गर्भवतीको शल्यक्रियामा सबैभन्दा बढी समस्या भएको मेची अञ्चल अस्पताल भद्रपुरले जनाएको छ ।
रगत अभाव भएकै कारण अधिकांश गर्भवतीलाई अन्यत्रै पठाउन सुरु गरेको मेची अञ्चल अस्पताल भद्रपुरका मेडिकल सुपरिटेन्डेन्ट चिकित्सक पीताम्बर ठाकुरले बताउनुभयो ।
नेपाल रेडक्रश सोसाइटी झापाले सञ्चालन गरेको रक्तसञ्चार केन्द्रमा अहिले सबै ग्रुपका रगत सकिएपछि जिल्लावासीलाई रक्तदान गरेर रगतको अभाव टार्न सघाउ पु¥याउन सभापति ढकालले अनुरोध समेत गर्नुभयो ।
