काठमाडौ ११ कार्तिक ।
डिफेन्डिङ च्याम्पियन चेल्सी लिग कप फुटबलको चौंथो चरणबाटै बाहिरिएको छ । गएराति सम्पन्न खेलमास्टोक सिटीसँग टाइब्रेकरमा ५–४ ले पराजित भएसँगै चेल्सी प्रतियोगिताबाट बाहिरिएको हो ।
स्टोक सिटीका जोन वालटरले खेलको ५२ औं मिनेटमा गोल गर्दैे सुरुवाती अग्रता दिलाए । त्यसपछि खेलको इन्जुरी समयमा चेल्सीका लुइक रेमीले गोल गर्दै खेल १–१ को बारबरीमा पुग्यो । त्यसपछि थपिएको अतिरिक्त समयमा दुवै तर्फबाट गोल हुन नसकेपछि खेलको निर्णय टाइब्रेकरबाट लिएको हो ।
इन्जुरी समयमा फिल बार्डस्ली दोहोरो पहेँलो कार्ड खाँदै बाहिरिएपछि अतिरिक्त समयमा स्टोक १० खेलाडीमा सिमित भएको थियो । टाइब्रेकरमा चेल्सीका इडेन हर्जाडले गोल गर्न नसकेपछि स्टोक विजयी भयो ।
चेल्सीले यो सिजन खराब प्रर्दशनलाई जारी राखेको छ । खराब प्रदर्शनसँगै प्रशिक्षक जोन मोरिन्होको आलोचना हुन थालेको छ । चेल्सीका समर्थकले प्रशिक्षक मोरिन्होलाई बर्खास्त गर्नु पर्ने माग समेत गर्न थालेका छन् ।
