काठमाडौं, १० कार्तिक ।
प्रधानमन्त्री केपी शर्मा ओलीले कांग्रेसले लिन बाहेक दिन नजानेको आरोप लगाउनु भएको छ । प्रधानमन्त्री ओलीले कांग्रेसले दिने एउटा मात्रै वस्तु धोका रहेको बताउनु भयो ।
एमाले अध्यक्ष तथा संसदीय दलका नेतासमेत रहनु भएका ओलीले आज संसद भवनमा आयोजित दलको बैठकलाई सम्बोधन गर्दै कांग्रेसले धोका दिएकाले राष्ट्रपति छाड्न नसकिएको बताउनु भयो ।
आफ्नो दलका सांसदहरुलाई सम्बोधन गर्दै ओलीले भन्नुभयो कांग्रेसले ‘गिभ एण्ड टेक भन्छ, तर टेक गर्ने बाहेक गिभ गर्न कहिल्यै सिकेन ।’ उसले गिभ गर्ने भनेको धोका मात्रै हो । हामीले पटक-पटक धोका खान चाहेनौं ।
‘विन विन’ भन्दै सबै आफैले एकलौटी गर्ने र ‘गिभ एण्ड टेक’ भन्दै सबै आफैं लिन खोज्ने प्रवृत्ति देखिएकाले यसपटक राष्ट्रपतिमा कांग्रेसको माग पूरा गर्न नसकिएको ओलीको भनाई छ ।
बैठकमा प्रधानमन्त्री ओलीले सुदृढ बहुमतका साथ एमालेसहित सत्तारुढ गठबन्धनका उम्मेदवारले राष्ट्रपतिमा जित हासिल गर्ने बताउनु भएकोे सांसद यज्ञराज सुनुवारले जानकारी दिनुभयो ।
