एजेन्सी, ६ कार्तिक ।
साउथ अफ्रिकाबिरुद्धको चौथो वान डे क्रिकेटमा इन्डिया ३५ रनले विजयी भएको छ । इन्डियाको जितपछि पाँच म्याचको वान डे सिरिज २–२ को स्थितीमा पुगेको छ ।
३ सय रनको लक्ष्य पछ्याएको साउथ अफ्रिकाले निर्धा्रित ओभरमा ९ विकेट गुमाएर मात्र २ सय ६४ रन बनाउन सक्यो । कप्तान एबी डि भिलियर्सको सतकिय इनिङ्सका बाबजुत साउथ अफ्रिकी टोली पराजित भयो । ओपनर क्विनटन डि कोकले ४३ रन बनाउनु बाहेक अन्यको प्रर्दशन गतिलो रहेन ।
यसअघि, चेन्नाईमा टस जितेर ब्याटिङ्ग गरेको इन्डियाले विराट कोहलीको सतकिय इनिङ्ससंगै निर्धा्रित ओभरमा ८ विकेट गुमाएर २ सय ९९ रन बनायो । ओपनरद्धय रोहित शर्मा २१ तथा शिखर धवन ७ रनमा आउट भएपनि घरेलु टोलीका लागि विराट कोहलीले १ सय ३८ रनको उच्च स्कोर बनाए ।
यस्तै सुरेश रैनाले ५३ तथा आजिक्या राहाणेले ४५ रनमा आउट भए । अफ्रिकी टोलीका डेल स्टेयन तथा कागिसो राबाडाले समान ३ विकेट लिए । साउथ अफ्रिकाबिरुद्धको ट्वान्टी २० सिरिज गुमाएको घरेलु टोली इन्डिया वान डे सिरिज जोगाउन संघर्षरत छ
