काठमाडौं, ६ कार्तिक ।
आज विजयादशमी (टीका)को दोस्रो दिन । आफन्त र मान्यजनका हातबाट आज पनि टीका थाप्ने क्रम जारी छ ।
दशमीका दिनदेखि पूर्णिमासम्म मान्यजनका हातबाट दसैंको टीका र आशीर्वाद थाप्ने परम्परा रहेको छ ।
भारतले गरेको नकाबन्दी र मधेसमा जारी आन्दोलनका कारण मुलुकभर दसैं कष्टकर बनेको सर्वसाधारणले गुनासो गरेका छन् ।
राजधानीमै पनि पेट्रोलियम पदार्थको अभावका कारण सर्वसाधारणले आफन्तको हातबाट टीका लगाउन जान नपाएको गुनासो गरेका छन् ।
काठमाडौं मीनभवनका स्थायी वासिन्द दीपक थपाले यसपालिको टीका घरमै आमा र बुबाको हातबाट मात्रै थाप्ने निधो गरेका छन् ।
नाकाबन्दीका कारण उपभोग्यवस्तुको अभाव र चर्को मूल्य झेल्दै आएका उपभोक्ताले अन्य समयमा भन्दा दसैंमा ठूलोमात्रामा उपभोग्यवस्तु खपत गर्ने गर्छन ।
राजधानीका कतिपय वासिन्दाले ग्यासको अभावमा दाउरामा खाना पकाउन थालेको बताएका छन ।
