काठमाडौं, २ कार्तिक ।
उन्नाइस वर्षमुनिको आइसिसी विश्वकप क्रिकेट छनौट प्रतियोगितामा नेपालले अमेरिकालाई छ विकेटले पराजित गरेको छ ।
टस हारेर पहिले फिल्डिङ गरेको अमेरिकाले निर्धा्रित ४६ ओभरमा सबै विकेट गुमाएर एक सय ९ रन बनाएको थियो ।
अमेरिकाले प्रस्तुत गरेको एक सय ९ रनको लक्ष्य नेपालले १७ दशमलव ५ ओभरमा ४ विकेट गुमाएर भेट्टायो ।
नेपालका लागि योगेन्द्र सिंह कार्कीले नटआउट ५३, सुनिल धमलाले १७, सौरभ खनालले नटआउट १६ तथा शंकर रानाले १२ रन बनाए ।
सौरभ खनालले जितका लागि एक रन चाहिएको अवस्थामा छक्का हानेपछि नेपालले एक सय १४ रन जोड्यो ।
अमेरिकाका मोहक बुचले दुई विकेट लिए । यसअघि नेपालले टस जितेर पहिले फिल्डिङ रोजेपछि ब्याटिङ गरेको अमेरिकाले ४६ ओभरमा सबै विकेट गुमाएर एक सय ९ रन बनायो ।
अमेरिकाले एक सय ९ रन बनाएपनि नेपालले डक वर्थ लुइस नियमका आधारमा एक सय ९ रन कै लक्ष्य पाएको हो ।
मलेसियाको क्वालालम्पुरमा भएको खेलको ३५ ओभरपछि खराब मौसमका कारण केही बेर रोकिएको थियो ।
मौसमले प्रभावित भएको खेल ४८ ओभरमा छोट्याइएको थियो । नेपाले पहिलो खेलमा पपुवा न्यु गिनीलाई ९ विकेट तथा दोस्रो खेलमा युगान्डालाई १ सय ७१ रनले हराएको थियो ।
अमेरिकालाई हराएसँगै नेपालको आउँदो वर्ष बंगलादेशमा हुने १९ वर्षमुनिको विश्वकपका लागि छनौट हुने सम्भावना बलियो भएको छ ।
नेपालले अब बुधबार आयरल्याण्डसँग खेल्ने छ । त्यो खेलमा आयरल्याण्डलाई हराउन सके नेपाल विश्वकपका लागि छानिने छ ।
