काठमाडौं, २ कार्तिक ।

गैँडाको आक्रमणबाट महोत्तरीको सोनमा गाविसमा दुईजना गम्भीर घाइते भएका छन् ।

घाइते हुनेमा सोनमा गाविस– १ बस्ने रामपुकार ठाकुरकी पत्नी ३७ वर्षीया निर्मला देवी र भतिजी १० वर्षीया रामतोला ठाकुर रहेको जिल्ला प्रहरी कार्यालय महोत्तरीले जनाएको छ ।

रघुनाथपुर गाविस– ७ स्थित मरहा खोला हुँदै जङ्गल क्षेत्रबाट आएको गैँडाले आज बिहान शौचालयका लागि खोलातिर गएका दुवैजनालाई आक्रमण गरी गम्भीर घाइते बनाएको प्रहरी नायब उपरीक्षक विनोद सिलवालले बताउनुभयो ।

गैँडाको आक्रमणमा परी गम्भीर घाइते भएका दुवैजनालाई स्थानीय क्लिनिकमा प्राथमिक उपचार गराई विशेष उपचारका लागि अञ्चल अस्पताल जनकपुर पठाइएको प्रहरीले जनाएको छ ।

आक्रमणकारी गैँडा पुनः मरहा खोला हुँदै जङ्गलतिर भागेको प्रत्यक्षदर्शी स्थानीय बासिन्दाले बताएका छन् ।

आज पश्चिमी वायुको आंशिक प्रभाव, पहाडी क्षेत्रमा हल्का वर्षा

भारतबाट मोटरसाइकलमा गोप्य ठाउँ बनाई ल्याइएको ३० लाखसहित एक जना पक्राउ, गौरको व्यापारिक प्रतिष्ठानबाट थप १४ लाख बरामद

वीरगञ्जमा ७ लाख रुपैयाँ बराबरका अवैध पटाका खाल्डोमा पुरेर नष्ट

‘प्रहरी र नागरिकबीचको दूरी अन्त्य होस्’

प्रदेश प्रमुखसमक्ष आदिवासी जनजाति आयोगको सातौँ वार्षिक प्रतिवेदन पेश

नागरिकले प्रहरीसँग भरोसा गरुन्, प्रहरीले बर्दीमा गर्व गर्न सकोस् : नवनियुक्त महानिरीक्षक केसी