काठमाडौं, ३० असोज ।
सरकारले वार्ताको आहृवान गर्दै पत्र पठाएपछि संयुक्त लोकतान्त्रिक मधेसी मोर्चाले त्यसको जवाफ दिने तयारी गरेको छ ।
नेताहरुका अनुसार आजै बैठक बस्ने तयारी छ । बैठकका लागि तराई मधेस लोकतान्त्रिक पार्टीका अध्यक्ष महन्थ ठाकुरले अन्य नेताहरुसँग कुराकानी भइरहेको छ ।
तर, मधेसी मोर्चाका नेताहरुले वार्ताको आहृवान गर्दै प्रधानमन्त्री केपी शर्मा ओलीले पठाएको पत्रको भाषाप्रति भने असन्तुष्टि जनाएका छन् ।
मोर्चाका एक नेताले ‘वार्ताको आहृवान गर्नु सकारात्मक भऐपनि जमिनदारी भाषा प्रयोग गरिएको बताए ।
सरकार र मोर्चाबीच सुरु भएको वार्ता नयाँ सरकार गठन प्रक्रिया सुरु भएसँगै छाँयामा परेको थियो ।
मधेसी मोर्चाले वार्ता आहृवान सकारात्मक भएपछि पत्रमा कहाँ कहिले र कोसँग वार्ता गर्ने भन्ने प्रष्ट नभएको बताएको छ । साथै आन्दोलन रोकेर वार्ता हुन नसक्ने मार्चाको अडान छ ।
प्रधानमन्त्री केपी शर्मा ओलीले हिजो मधेसी मोर्चालाई पत्र पठाएर वार्तामा आउन आहृवान गर्नुभएको थियो ।
