काठमाडों, ३० असोज ।
नेपाली कांग्रेसका महामन्त्री कृष्ण सिटौलाले तराई मधेसको समस्या सरकारले रचनात्मक तरिकाले सम्बोधन गर्नुपर्ने बताउनुभएको छ ।
धरान जाने क्रममा बिराटनगर विमानस्थलमा आज सञ्चारकर्मीसँग कुराकानी गर्दै सिटौलाले लामो समयदेखि तराईमा जारी आन्दोलनको निकासका लागि सरकारले रचनात्मक भूमिका खेल्नुपर्ने बताउनुभउको छ ।
सभामुख र उपसभामुख तटस्थ बस्नुपर्ने निकाय भएकाले आफूहरुले उम्मेद्वारी नदिएको बताउँदै राष्ट्रपति र उपराष्ट्रपति देशको संरक्षक भएकाले दुवै पदमा आफूहरुको दाबी रहने उहाको भनाई छ ।
राष्ट्रपति र उपराष्ट्रपति देशको संरक्षक रहेकाले आफुहरुले दुवै पदमा देशको संरक्षण गर्न सक्ने मान्छेलाई उम्मेद्वार बनाउने र त्यसका लागि दलहरुसँग छलफल जारी रहेको सिटौलाको भनाई छ ।
उम्मेद्वार महन्थ ठाकुर पनि हुनसक्ने भन्दै उहाले कांग्रेस भित्रकै अन्य व्यक्ति पनि उक्त पद सम्हाल्ने सक्ने बताउनुभयो ।
