असोज ३० काठमाण्डौं ।
एकीकृत नेकपा माओवादीले पार्टी महासचिव कृष्ण बहादुर महरालाई सरकारको नेतृत्व दिने भने पनि फेरी उनलाई फिर्ता गरी सचिव टोप बहादुर रायमाझीलाई नै नेतृत्वमा पठाउने भएको छ ।
साथै रायमाझीले गृहमन्त्रालय समेत पाउने छन् ।
पार्टी अध्यक्ष प्रचण्डले आफ्ना विश्वास पात्र एवं पूर्व गृहमन्त्री समेत रहेका महरालाई सभामुख बनाउन चाहे पनि उनी सरकारमै जान चाहे पछि नेतृत्व दिने निर्णय गराएका थिए ।
तर एकाएक यो निर्णयमा परिवर्तन आए पछि माओवादी कार्यकर्ताहरु आश्चर्यमा परेका छन् ।
स्रोतका अनुसार लामो समय बाबुराम भट्टराई समुहमा रहेका रायमाझीले फेरी अलग हुन सक्ने चेतावनी दिए पछि पार्टी जोगाउन भन्दै प्रचण्डले रायमाझीलाई सरकारको नेतृत्व दिने निर्णय गराएका हुन् ।
रायमाझी अर्घाखाचीबाट निर्वाचीत सभासद समेत हुन् ।
बाबुरामले राजीनामा दिएर हिडे पछि उनी पार्टी बलियो बनाउने भन्दै मुल पार्टीमा बसिरहेका छन् ।
