काठमाडौं, २९ असोज ।
रेडबुल राष्ट्रिय लिग फुटबलमा त्रिभुवन आर्मी क्लब उपविजेता बनेको छ ।
सातदोबाटोस्थित एन्फा कम्प्लेक्सको मैदानमा आज भएको अन्तिम खेलमा नेपाल पुलिस क्लबलाई ३–० ले पराजित गर्दै आर्मीले सफलता हात पारेको हो ।
आर्मीलाई जिताउन टेकबहादुर बुढाथोकी, नवयुग श्रेष्ठ र टंक बस्नेतले एक–एक गोल गरका थिए ।
नवयुग अहिलेसम्म १४ गोल गर्दै सर्वजनिक गोलकर्ताको शीर्ष स्थानमा छन् । यो खेलसँगै आर्मीलको जारी लिग सकिएको छ ।
अन्तिम भिडन्तमा भोली मनाङ–मर्स्ङ्दी र थ्रीस्टार क्लब भिड्दै छन् । दुई टिमको भिडन्तसम्म आर्मी ३३ अंकका साथ शीर्ष स्थानमा छ ।
मनाङ र थ्रीस्टारबीचको खेल बराबरीमा सकिए आर्मीसँग समान अंक भए पनि ‘अवे’ गोलका आधारमा थ्रीस्टार च्याम्पियन बन्नेछ ।
विजेताले एक करोड, उपविजेताले ५० लाख तथा तेस्रो स्थान हासिल गर्ने टिमले २५ लाख रुपैयाँ हात पार्ने छ ।
