काठमाडौं, २९ असोज ।
भारतले लगाउँदै आएको अघोषित नाकाबन्दीका कारण इन्धन आपूर्ति अझै सहज हुन सकेको छैन ।
मुलुकको प्रमुख भन्सार नाका वीरगन्ज लामो समयदेखि ठप्प रहँदा इन्धन अभाव चर्किंदै गएको छ ।
इन्धन भर्न गएका नेपाली ट्यांकरहरुलाई भारतीय डिपोहरुले ‘माथिको आदेश’ भन्दै न्युन मात्रामा तेल दिएकाले अवरोध नभएका नाकाबाट पनि पर्याप्त मात्रामा इन्धन आउन नसकेको हो ।
विराटनगरको रानी भन्सार नाकाबाट आज बिहानसम्ममा १ सय ८१ मालवाहक सवारीसाधन नेपाल आएकोमा २३ ट्यांकर डिजेल, पेट्रोल १५ ट्यांकर र ग्यांसका १५ बुलेट नेपाल आएका छन् ।
सुनौली–भैरहवा नाकाबाट हिजो ७ वटा डिजेल, २ वटा पेट्रोल र ६ वटा ग्यास बुलेटसहित १ सय २० वटा गाडि नेपाल भित्रिएका छन् ।
यस्तै बाँकेको नेपालगन्ज–रुपैडिहा भएर हिजा १३ वटा डिजल, एउटा पेट्रोल र २ वटा हवाई ईन्धनसहित ७२ ओटा समान बोकेका गाडी नेपाल भित्रिएका छन।
