काठमाडौं, २८ असोज ।
रसुवासँग सीमाना जोडिएको चीनको केरुङ नाकाबाट ६ महिनापछि आजदेखि सामान आयात निर्यात सुरु भएको छ ।
नेपाल तर्फको सडक पहिल नै सञ्चालनमा आएपनि चीनतर्फको सडक सञ्चालनमा नआउँदा नाका ुिचारु हुन सकेको थिएन् ।
आजबाट केरुङ नाका पुनः सञ्चालनमा आएको रसुवाका भन्सार प्रमुख केदार पनेरुले जानकारी दिनुभयो ।
नाका खुलाउनका लागि हिजो नै बाणिज्य मन्त्रालयका सहसचिव जीवराज कोइराला नेतृत्वको टोली र नेपालस्थित चीनियाँ दूतावासका प्रथम सचिवसहितको टोली केरुङ पुग्नुभएकाृ थियोे ।
बैशाख १२ गतेको भूकम्पका कारण बन्द भएको केरुङ नाका १० दिनअघि नै खुलेपनि सामान आयात निर्यात हुन सकेको थिएन । भूकम्पकै कारण चीनसँगको प्रमुख व्यापारिक नाका तातोपानी पनि बन्द छ ।
नाका सञ्चालनमा आएकै दिन चीन सरकारले नेपाललाई ६ ट्रक खाद्यान उपहार दिएको छ ।
सन् २०१२ मा केरुङ भन्सारलाई अन्तर्रा्ष्ट्रिय भन्सारको रुपमा विकास गर्दै यस नाकाबाट चीनले भारतसहित दक्षिण एशियाली देशमा जोड्न खोजेकाले पनि यो नाकालाई चीनले पहिलो प्राथमिकतामा राखेको छ ।
