काठमाडौ २८ असोज ।
सभामुख र उपसभामुखको मनोनयन प्रक्रिया आज हुने भएको छ । दलहरुबीच सहमतिका आधारमा प्रस्ताव दर्ताका लागि आज बिहान साँढे ११ बजेदेखि दिउँसो २ बजेसम्मको समयसीमा तोकिएको छ ।
राजनितिक सहमति भएमा आजै दिउँसो साँढे २ बजे नामवाली सार्वजनिक गर्ने कार्यसुची रहेको संसद सचिवालयले जनाएको छ ।
तर राजनितिक सहमति जुट्न नसकेमा भोलीबाट बहुमतीय प्रक्रिया सुरु हुने जनाएको छ । भोली बिहान साँढे ११ बजेदेखि २ बजेसम्म सभामुख तथा उपसभामुखको प्रस्ताव दर्ता गर्ने समय तोकिएको सचिवालयका सहयक प्रवक्ता सुदर्शन कुइकेलले जानकारी दिनुभयो ।
त्यसपछि भएको नामवली प्रकाशन गरिने बताएको छ । भोली दिउँसो ३ बजे सभामुखका लागि प्रस्ताव निर्णयार्थ बैठकमा पेश गरेपछि निर्वाचन प्रक्रिया सुरु हुनेछ ।
यस्तै साँझ पाँजे उपसभामुखको निर्वाचन गरिने सचिवालयद्धारा जारी कार्यतालिकामा उल्लेख गरिएको छ ।
