काठमाडौ २६ असोज ।
समसमायिक राजनितिक घटनाक्रमबारे छलफल गर्न संयुक्त मधेशी मोर्चाको बैठक आज पनि बस्दैछ ।
बिहान ११ बजेपछि बबरमहल स्थित तराई मधेश लोकतान्त्रिक पार्टीको कार्यलयमा बस्ने बैठकमा सरकार गठन प्रक्रियामा सहभागी भएपछि मोर्चाभित्र देखिएको असन्तुष्टीका विषयमा छलफल हुने बताइएको छ ।
बैठकमा तराई मधेशमा जारी आन्दोलनको स्वरुप परिवर्तन गर्ने विषयमा पनि छलफल हुने बताइएको छ । दसैं, तिहार, छठ जस्ता पर्वलाई ध्यानमा राख्दै आन्दोलनको स्वरुप परिवर्तन गर्ने विषयमा बैठक केन्द्रित रहने संघिय समाजवादी फोरम नेपालका नेता शिवजी यादवले जानकारी दिनुभयो ।
आजको बैठकले आन्दोलन फिर्ता लिने सम्भावना रहेको मोर्चा आवद्ध एक नेताले बताएका छन् । यस्तै संविधान निर्माण प्रक्रिया बहिस्कार गरेको मोर्चाभित्र संविधानको जगमा भएको सरकार गठन प्रक्रियामा सहभागी भएपछि मोर्चा भित्र विवाद देखिएको छ ।
राजेन्द्र महत्तो नेतृत्वको सद्भावना पार्टी, महन्थ ठाकुर नेतृत्वको तराई मधेश सद्भावना पार्टीका नेताहरुले आन्दोलनको मर्म विपरित सरकार गठन प्रक्रियामा सहभागी भएको भन्दै असन्तुष्टी पोखेका छन् ।
यसअघि हिजोको बैठकमा सहभागी नभएको सद्भावनाले आजको बैठक पनि बहिस्कार गर्ने निर्णय गरेको महासचिव मनिषकुमार सुमनले जानकारी दिनुभयो ।
सरकार गठन प्रक्रियामा सहभागी भएर तराई मधेशको आन्दोलनप्रति घात गरेको सो पार्टीको ठहार छ ।
