काठमाडौ २६ असोज ।
आइसिसी अन्डर १९ विश्वकप छनोट खेलमा सहभागी हुन नेपाली युवा क्रिकेट टोली आज मलेसिया प्रस्थान गर्दैछ ।
छनोट प्रतियोगिता अन्तरगत आफ्नो पहिलो खेलमा नेपालले आगामी बिहीबार पपुवा न्युगिनीसँग खेल्नेछ । दोस्रो खेलमा शुक्रबार नेपाल युगान्डासँग प्रतिस्पर्धा गर्नेछ ।
प्रतियोगितामा नेपालसँगै आयरलयाण्ड, पपुवा न्युगिनी, युगान्डा र अमेरिकाको पनि सहभागीता रहनेछ । विजेता टोलीले आगामी वर्ष बंगलादेशमा हुने आइसिसी अन्डर १९ विश्वकप खेल्ने अवसर पाउनेछ ।
प्रतियोगिताका लागि नेपालले भारतको नयाँ दिल्लीमा दुई साता अभ्यास गरेका थिए । त्यहाँ रहँदा नेपाली टोली स्थानीय टीमहरुसँग पाँच अभ्यास खेल खेलेका थिए ।
गत अगस्टमा मलेसियामै भएको आइसिसी अन्डर १९ प्रिमियर लिगको उपविजेता बन्दै स्वदेश फर्किएको नेपाली टोली यो पटक विजेता बन्ने लक्ष्यका साथ त्यसतर्फ प्रस्थान गर्दैछ ।
