काठमाडौ २४ असोज ।
एकिकृत नेकपा माओवादीले व्ययवस्थापिका संसदमा आज हुने प्रधानमन्त्रीको निर्वाचनमा एमाले अध्यक्ष केपी शर्मा ओलीको पक्षमा मतदान गर्न आफ्ना सभासदहरुलाई ह्विप जारी गरेको छ ।
ओलीका प्रस्तवक समेत रहेका एमाओवादीले आफ्ना केही सभासद पार्टी निर्णय विपरित जानसक्ने संकेत भएपछि ह्विप जारी गरेको हो ।
ओलीको समर्थकका रुपमा रहेको राप्रपा नेपालले पनि उहाँको पक्षमा मतदान गर्न आफ्ना सभासदहरुलाई ह्विप जारी गरको छ ।
यता नेपाली कांग्रेसले आफ्नो पार्टीका उमेदवार सुशिल कोइरालालाई मतदान गर्न संसदमा प्रतिनिधित्व गर्ने सबै दललाई अपिल गरेको छ ।
पार्टीका तर्फबाट प्रवक्ता दिलेन्द्र प्रसाद बडुले हिजो साँझ अपिल जारी गर्दै वार्ता र संवादबाट तराई मधेशमा जारी आन्दोलन लगायत सबै समस्याको समाधन खोज्न कोइराला नेतृत्वको सरकार आवश्यक रहेको भन्दै उहाँलाई मतदान गर्न अपिल गर्नु भएको हो ।
